Business as usual

Business as usual ( BAU ), ingelesezko Business as usual esamoldeak^[1][2], (euskaraz negozioak beti bezala esan nahi duenak, edo, hedaduraz, ohikoa beti bezala, dena beti bezala, betikoak beti berdin, zertarako aldatu? edo denak berdin jarraituko du), erakunde baten jarduerari dagokio^[3]. Erakunde horrek erabilitako egungo edo iraganeko metodoen artean oso aldaketa gutxi daudela adierazteko erabiltzen den nazioarteko esamoldea da, hainbat hizkuntzatara mailegatua.

Erakunde baten barruan eragiketa funtzional estandarren exekuzio normalak azken boladan egiten ziren bezala egiten segitzeari esaten zaio BAU, eta erakunde horren barruan, aldaketak eragin ditzaketen proiektu edo berrikuntza programen ifrentzua da. BAU erakunde baten barnean daudenak kezkatzeko edo distraitzeko eragina izan dezaketen kanpoko gertaeren kontrakoa ere izan daiteke.  

Funtzionamendu-sistema hau ez dator bat erakundean bertan gertatzen diren aldaketekin, ezta kanpoko faktoreek eragindakoekin ere. Aldaketarik ez, ez barrutik ez kanpotik eraginda, horixe da BAU honek proposatzen duena.

Sisteman problemak badaudela detektatzen bada, arazo horiek betiko eragiketa-metodoen arabera konpontzen saiatuko da, betiko metodoak betiko moduan konpontzen saiatuko da edo oso aldaketa gutxirekin aplikatuz.

1. ↑ «business as usual» TheFreeDictionary.com (Noiz kontsultatua: 2021-11-22).
2. ↑ Antonio Turiel. (2012-03-19). «The Oil Crash: Qué es el BAU» The Oil Crash (Noiz kontsultatua: 2021-12-30).
3. ↑ Roberts, Paul. (2013). Guide to project management : getting it right and achieving lasting benefit. (2nd ed. argitaraldia) Wiley ISBN 978-1-118-42171-0. PMC 827207404. (Noiz kontsultatua: 2021-11-18).